News

Jun 23, 2011

अख्तियार सचिव काफ्लेलाई हटाउने तयारी

लिम्वूवान डट व्लगस्पोट डटकम,काठमाडौं
अषाढ ९ - सरकारले अख्तियार दुरुपयोग अनुसन्धान आयोगका सचिव भगवती कुमार काफ्लेलाई हटाउने तयारी गरेको छ । प्रधानमन्त्री झलनाथ खनालले छिट्टै आयुक्तहरू नियुक्त गरेर वा अर्को सचिव पठाएर भए पनि उनलाई स्थानान्तरण गर्ने तयारी गरिरहेको स्रोतले बतायो । सिंहदरबार स्रोतका अनुसार सुडान घोटाला प्रकरणमा अख्तियारले गरेको कामकारबाही विवादित भएको र काफ्ले आफैं यूएन पार्कको जग्गा व्यक्तिका नाममा दर्ता गरेको प्रकरणमा मुछिएकाले उनलाई हटाउन लागिएको हो । प्रधानमन्त्रीले संसद्को राज्यव्यवस्था समितिका सभापति रामनाथ ढकाललाई पनि अख्तियारका सम्बन्धमा दुई/तीन दिनभित्रै सार्थक परिणाम दिने प्रतिबद्धता व्यक्त गरेका छन् । समितिमा प्रतिनिधित्व गर्ने विभिन्न दलका सभासदहरूले संवैधानिक निकाय खासगरी अख्तियारमा पदाधिकारी नियुक्त नहुँदा नकारात्मक असर देखिन थालेकाले प्रधानमन्त्रीलाई बोलाएर जवाफ माग्नुपर्ने आवाज उठाइरहनुभएको छ,' सभापति ढकालले भने, 'यही विषयमा मैले प्रधानमन्त्रीलाई दुई/तीन पटक भेटें । मंगलबारको भेटमा प्रधानमन्त्रीले दुई/तीन दिनभित्रै सार्थक परिणाम दिने प्रतिबद्धता जनाउनुभएको छ ।'

No comments: