पछिल्लो सात बर्षमा नेपालमा गरिबी १० प्रतिशतले घटेको

लिम्वूवान डट व्लगस्पोट डटकम,काठमाडौं

पछिल्लो सात बर्षमा नेपालमा गरिबी १० प्रतिशतले घटेको देखिएको छ । केन्द्रीय तथ्यांक विभागले विश्व बैंकको सहयोगमा तयार पारेको जीवनस्तर मापन सर्वेक्षणले गरिबी घटेको देखाएको हो । नेपाल र बंगलादेश हेर्ने विश्व बैंककी देशीय निर्देशक एलिसन गोलिस्टिनको र वासिंङ्टनबाट यो क्षेत्र हेर्ने प्रमुख आन्द्रियास होरावीको परिचय कार्यक्रममा नेपालस्थित निर्देशक सुसन गोल्डमार्कले अर्थमन्त्रालयका अधिकारीहरुलाई उक्त जानकारी गराउनुभएको हो । विश्व बैंकको यो सर्वेक्षण तयार पार्न सबैभन्दा बढी सहयोग गर्ने निकाय हो । भेटमा सहभागी मन्त्रालयका वरिष्ठ आर्थिक सल्लाहकार केशव आचार्यले अन्तिम नतिजा नबताए पनि नेपालको लक्ष्यअनुसार गरिबी घटेको जानकारी पाएको बताउनुभयो । नेपाललेयस बर्षको अन्त्यसम्ममा गरिबी २१ प्रतिशतमा झार्ने लक्ष्य लिएको थियो । सन् २००४ मा गरिएको सर्वेक्षणमा नेपालको गरिबी ४२ प्रतिशतबाट घटेर ३१ प्रतिशतमा झरेको थियो ।