News

Jun 18, 2011

बक्सिङको ८१ केजीमा दीपक महर्जन पहिलो

लिम्वूवान डट व्लगस्पोट डटकम,काठमाडौं
राष्ट्रव्यापी बक्सिङ छनोट प्रतियोगिताअन्तर्गत ८१ केजीमा दीपक महर्जन पहिलो भएका छन् । शुक्रबार दशरथ रंगशालाको बक्सिङ जिम हलमा भएको प्रतिस्पर्धामा नेपाल युथ बक्सिङ ग्रुपका दिपकले टीकाथलीका म्याक्स बस्नेतलाई पराजित गरे । पुरुषको ४९ केजीमा एपीएफका लक्षुमन तामाङले नेपाल आर्मीका अमृत केसीलाई, ५२ केजीमा प्रहरीका सुदेश मानन्धरले एपीएफका पुरन राईलाई, ५६ केजीमा एपीएफका युकेश नगरकोटीले चितवनका सविन दराइलाई तथा ६० केजीमा एपीएफका पूर्णबहादुर लामाले प्रहरीका सुमन लामालाई पाखा लगाउदै शीर्ष स्थान कब्जा गरे । त्यस्तै पुरुषको ६४ केजीमा प्रहरीका रत्नबहादुर तामाङले आर्मीका एकबहादुर घलेलाई, आर्मीका सुदन गुरुङले एपीएफका भूपेन्द्र विष्टलाई र ७५ केजीमा आर्मीका उद्धव खत्रीले चपलीका गोविन्द श्रेष्ठलाई पराजित गरे । नेपाल बक्सिङ संघद्वारा आयोजित प्रतियोगिताको महिलातर्फ ४८ केजीमा माला राई, ५१ केजीमा माया चौधरी र ५४ केजीमा सञ्जु लामा शुक्रबार पहिलो भएका छन् । विजेतात्रय एपीएफका हुन् । यस्तै ६० केजीमा एपीएफकी सरस्वती राना मगर, प्रहरीकी मिनास राई पहिलो भइन ।

No comments: