मोरङ जिल्ला अदालतमा गोली चल्दा ५ जना घाइते

लिम्वूवान डट व्लगस्पोट डटकम,काठमाडौं

मोरङ जिल्ला अदालतमा गोली चल्दा ५ जना घाइते भएका छन्। सुनसरी कारागारमा रहेका हत्या अभियुक्त अभिषेक गिरीको पेशीका लागि आएका पक्ष र विपक्षबीच झडप भएपछि स्थिति नियन्त्रणमा लिन प्रहरीले गोली चलाएको छ। गोली चल्दा प्रहरीतर्फ ४ जना र अन्य एक जना घाइते भएका छन्। गोली चल्नुअघि प्रहरीले झडप साम्य पार्न ८/१० राउण्ड हवाइ फायर गरेको थियो। त्यसले नरोकिएपछि गोली चलेको हो। गिरी करण यादवलाई हत्या गरेको अभियोगमा एक वर्षदेखि कारागारमा छन्। उनी कुख्यात् अपराधीका रुपमा चिनिन्छन्।