युएईमा दुई नेपाली बन्धकजस्तै जीवन बिताउँदै

लिम्वूवान डट व्लगस्पोट डटकम,काठमाडौं

अषाढ १३ - नवलपुर-९ सिन्धुपाल्चोकका हरिराम श्रेष्ठ र लालपुर कपिलवस्तुका रामकुमार यादव संयुक्त अरब इमिरेट्स -युएई) को सारजहाँस्थित क्याम्पमा बन्धकजस्तै जीवन बिताउँदै आएका छन् । युएईको आबुधाबीस्थित नेपाली दूतावासका प्रथम सचिव दीपक अधिकारीका अनुसार कम्पनी मालिकले राहदानी र श्रम अदालतमा जरिवाना नबुझाउँदा ती दुई जना स्वदेश फिर्न नपाएका हुन् । मालिकले उनीहरूलाई श्रमको अनुमतिबिना सुरक्षा गार्डको काममा लगाएका थिए । 'हामीलाई अघोषित रूपमा बन्धक बनाइएको छ । क्याम्पबाट बाहिर जान पाउँदैनौं । खानाको टुंगो छैन,' हरिरामले फोनमा भने, '६ महिनादेखि काम र तलबविहीन भएका छौं । पटकपटक मालिकलाई घर जान दिन आग्रह गर्दा धम्क्याउँछ ।'