बाढीपहिरामा परी मृत्यु हुनेको संख्या ६४ पुगे

लिम्वूवान डट व्लगस्पोट डटकम,काठमाडौं

गत साता मुलुकको पश्चिमी जिल्लाहरुमा लगातारको भारी वर्षापछि आएको बाढीपहिरामा परी हालसम्म मृत्यु हुनेको संख्या ६४ पुगेको छ । यसैगरी करिब आधा दर्जन अझै पनि बेपत्ता रहेको जानकारी सरकारले दिएको छ । पश्चिमका कन्चनपुर, कैलाली, बाजुरा, डडेलधुरा, सल्यान, डोटी, बझाङ, दार्चुला लगायत जिल्लामा बाढीपहिराको बढी प्रभाव परेको थियो ।गृहमन्त्री वामदेव गौतमले संसदमा शनिबार बाढीपहिरोबारे जानकारी दिंदै बाढी प्रभावित क्षेत्रमा सरकराले तत्कालका लागि ७ करोड ७३ लाख रुपैयाँ निकासा गर्ने निर्णय भएको उल्लेख गर्नुभयो । राष्ट्रसंघ महासभामा सहभागी हुन अमेरिका जानुभएका प्रधानमन्त्री फर्केपछि सरकारले बाढी प्रभावित क्षेत्रका लागि एकीकृत रुपमा विशेष कार्यक्रम ल्याइने गौतमले बताउनुभयो ।