टाइगर्सका पर्सा जिल्ला इन्चार्ज देवालाई प्रहरीले पक्राउ

लिम्वूवान डट व्लगस्पोट डटकम,काठमाडौं

सशस्त्र गतिविधि गरिरहेको तराइ मुक्ति टाइगर्सका पर्सा जिल्ला इन्चार्ज देवालाई प्रहरीले पक्राउ गरेको छ । वीरगन्ज घर भएका देवा भनेर चिनिने उनी २० वर्षीय विनोद महतो रहेको प्रहरीले जनाएको छ ।भारतको रक्सौलबाट वीरगन्ज आउनेक्रममा बिहीबार बेलुका मोटरसाइकलमा रहेका उनलाई सीमाक्षेत्रमा प्रहरीले पक्राउ गरेको हो । उनको साथबाट एउटा पेस्तोल, पाँच राउन्ड गोली र पार्टीको लेटर प्याडसमेत बरामद भएको बताइएको छ ।