बाढी र पहिरामा परी मृत्यु हुनेको संख्या ३६ भन्दा बढी

लिम्वूवान डट व्लगस्पोट डटकम,काठमाडौं
सूदूरपश्चिमाञ्चल क्षेत्रमा असोज ३ गतेदेखि ५ गतेसम्म परेको वर्षपछि आएको बाढी र पहिरामा परी मृत्यु हुनेको संख्या ३६ भन्दा बढी पुगेको छ । कैलाली, कञ्चनपुर, डडेल्धुरा, डोटी र मध्यपश्चिमाञ्चलका बर्दिया, बाँके, दाङ र सल्यानमा बाढी, पहिरो र डुबानका कारण त्यति गाउँलेको मृत्यु भएको हो ।यसैबीच, प्रकोपबाट प्रभावित क्षेत्रमा तत्कालीन उद्धार तथा राहतका लागि कैलालीमा ५० लाख, बाजुरा, कालीकोट र कञ्चनपुर जिल्लामा २०/२० लाख, अछाममा १५ लाख, डडेल्धुरा र गुल्मीमा १०/१० लाख तथा सल्यान, डोटी, दार्चुला, बझाङ, बर्दिया र संखुवासभामा पाँच/पाँच लाख रुपैयाँका दरले एक करोड ७५ लाख निकासा पठाउने सरकारले निर्णय गरेको छ ।