लिम्बुवान कार्यकर्ताद्वारा ट्रकमा आगजनी

लिम्वूवान डट व्लगस्पोट डटकम,काठमाडौं

पल्लो किरात लिम्बुवान राष्ट्रिय मञ्चका कार्यकर्ताले बन्दको अवज्ञा गरेको भन्दै आज बिहान धरानबाट धनकुटा जाँदै गरेको एउटा मालबहाक ट्रकमा आगो लगाएका छन् । धनकुटाका लागि छुटेका ना २ ख ४५७० नम्बरको ट्रकमा बिहान ७ बजे भेडेटार नजिक मन्चका कार्यकर्ताहरुले आगो लगाएका हुन् । आगोबाट ट्रक जलेर पुर्णरुपमा क्षतिग्रस्त भएको छ ।बन्दका कारण आज पनि कोशी राजमार्गको धरान धनकुटा र इटहरी पुर्वमा यातायात संचालन हुन सकेको छैन ।सुनसरीको इटहरी पश्चिम र बिराटनगर तर्फको यातायात सुचारु भए पनि अन्यत्र गाडि नचलेको पुर्व क्षेत्र प्रहरी कार्यालय बिराटनगरले जनाएको छ । हिजोदेखि दुई दिने यातायात बन्द आव्हान गरेको सो समुहले भोलिदेखि अनिश्चितकालिन लिम्बूवान बन्दको घोषणा गरेको छ ।मंसिर २९ र ३० गते सुनसरीको पाचकन्याबाट अबैद्य कर उठाउदै गरेका ७ जना कार्यक्रता पक्राउ गरेको बिरोधमा मञ्चले बन्दको आहृवान गरेको थियो ।