डोल्मा शेर्पाले मृत्युदण्डको सजायबाट मुक्ति

लिम्वूवान डट व्लगस्पोट डटकम,काठमाडौं

फिलिपिनो महिलाको हत्या अभियोगमा कुबेतको जेलमा सजाय भोगिरहेकी नेपाली महिला डोल्मा शेर्पाले मृत्युदण्डको सजायबाट मुक्ति पाएकी छिन् । कुबेतको तल्लो तथा पुनरावेदन अदालतद्वारा मृत्युदण्डको सजाय सुनाइएकी डोल्मालाई मृतकको परिवारले 'ब्लड मनी' स्वीकार गरेकाले उनलाई सुनाइएको मृत्युदण्डको सजाय फिर्ता भएको हो ।'ब्लड मनी' स्वीकार गरिएको पत्र मृतक फिलिपिनोको परिवारले अदालतसमक्ष बुझाइसकेको छ । 'सोही प्रमाणका आधारमा डोल्माले मृत्युदण्ड नपाउने निश्चित भएको छ,' कुबेतबाट प्राप्त समाचारमा भनिएको छ, 'डोल्मालाई मृत्युदण्डको छुटले कुबेतमा रहेका नेपालीहरू खुसी देखिएका छन् ।'कुबेतको पुनरावेदन अदालतले मंगलबार अपराह्न मात्रै डोल्मालाई मृत्युदण्डमुक्त गरिएको फैसला सार्वजनिक गरेको हो ।