इन्धन मूल्य घटाउन इन्सेकको माग

लिम्वूवान डट व्लगस्पोट डटकम,काठमाडौं
अनौपचारिक क्षेत्र सेवा केन्द्र इन्सेकले नेपाल सरकारले इन्धनको विक्रीमा सातदेखि ६६ प्रतिशत मुनाफा लिएकोमा त्यसको औचित्यता सहित सूचनाको हक दिन र तत्काल मूल्य घटाउन माग गरेको छ । विज्ञप्ति जारी गरी इन्सेकले यस्तो माग गरेको हो ।विज्ञप्तीमा जनताको दैनिकीलाई अत्यावश्यक पर्ने र सबै वस्तुको ढुवानी शुल्क थपिएर महङ्गीको मारमा परेका जनतालाई राहत दिनुपर्ने सरकार स्वयम् व्यापारको एकाधिकारको दुरुपयोग गर्दै ६६ प्रतिशत मुनाफा जबर्जस्ती उठाउन तम्सनुले जनताको अधिकार उपर निरङ्कुश शोषण भएको जनाइएको छ । इन्सेकले हाल सरकारले पेट्रोल बिक्रीबाट प्रतिलिटर ४४.५ प्रतिशत मुनामा लिएको र सरकारले पेट्रोलको प्रतिलिटर रू. ८५ तोकेपनि सोको परल मूल्य रू. ५९ रहेको जनाएको छ । यस्तै हाल तोकेको डिजेलको मूल्य प्रतिलिटर रू. ६० रहेकोमा सोको परल मूल्य रू. ५६ रहेको, जसबाट ७.१५ प्रतिशत मुनाफा लिने गरेको छ भने मट्टटिेलको प्रति लिटर रू. ६० रहेकेामा सोको परल मूल्य रू. ५५ र मुनाफा ९.०९ प्रतिशत लिएको जनाएको छ ।