उपत्यकाको जनजीवन प्रभावित भाडाका सवारी नचल्दा

लिम्वूवान डट व्लगस्पोट डटकम,काठमाडौं
भक्तपुर, साउन १० - यातायात व्यवसायीले तोडफोड र आगजानी भएको सवारी साधनको क्षतिपूर्तिको माग राखेर गरेको बन्दले उपत्यकाको जनजीवन पभावित भएको छ ।नेपाल यातायात व्यवसायी राष्ट्रिय महासंघ बाग्मती अञ्चल समितिले आव्हानमा शुक्रबारदेखि उपत्यकामा भाडाका सवारी साधन सञ्चालन नगर्ने घोषणा गरेको हो । आफ्ना माग पूरा नभएसम्म अनिश्चितकालीन सार्वजनिक यातायात थन्क्याउने महासंघका बरिष्ठ उपाध्यक्ष केदार खत्री क्षेत्रीले जानकारी दिए । गत मंगलबार त्रिचन्द्र क्याम्पस अगाडि विद्यार्थीले तोडफोड गरेमो माइक्रोबसको क्षतिपूर्तिको माग राखेर महासंघले बन्दको घोषणा गरेको हो । महासंघको आव्हानमा भाडाका सवारीसाधन बन्द भएपछि उपत्यकाको तीनै जिल्ला आंशिक रुपमा यातायात सञ्चालन भएको छ ।बाग्मती बन्द भनिएपनि राजधानी पूर्वका जिल्लामा पनि यातायात सञ्चालन हुन सकेको छैन । राजधानी पूर्व काभ्रे, सिनधुपाल्चोक, दोलखा र रामेछापमा राजधानीबाट सवारी साधन छुटेको छैन । यता रसुवा, नुवाकोटमा पनि बन्दको प्रभाव परेको छ ।