इराकबाट बन्धकमुक्तमध्ये ४ नेपाली फिरे

लिम्वूवान डट व्लगस्पोट डटकम,काठमाडौं

साउन ९ - दुई साताअघि इराकको रेड/जोनमा ५ दिन बन्धक बनाइएर मुक्त भएका १३ नेपालीमध्ये चार जना घर फर्किएका छन् ।बन्धक बनेकालाई उद्धार गर्ने सहयोगी ध्रुव कुँवरले इराकबाट फोनमा दिएको जानकारीअनुसार काठमाडौंका इन्द्रप्रसाद भट्टराई, लम्ण ठोक्कर, दीपक भट्टराई र गोर्खाका तिलकबहादुर थापा मंगलबार घर फिरेका हुन् । 'उनीहरूबाहेक अरू नौ जना भने आफ्नै अडान र सहमतिमा इराकमै काम गर्ने भएका छन्' कुँवरले भने । घर फर्केका चार जनाले भने सम्बन्धित एजेन्टबाट पैसा फिर्ता पाइसकेको उनले बताए ।