बस दुर्घटनामा तीन जनाको मृत्यु

लिम्वूवान डट व्लगस्पोट डटकम,काठमाडौं

महोत्तरीको बलवा सरपल्लोमा शुक्रबार भएको बस दुर्घटनामा तीन जनाको मृत्यु भएको छ भने ३० जना घाइते भएका छन् । जलेश्वरबाट बर्दिवास तर्फ गईरहेको ज. १ ख. ५८९ नम्बरको यात्रुवाहक बस विपरित दिशाबाट आइरहेको बसलाई बाटो छाड्ने क्रममा पल्टिएको थियो । दुर्घटनामा घाइते भएका मध्ये सात जनाको अवस्था गम्भिर छ । मृत्यु हुनेमा चकवाका ३५ बर्षिय कमलेश यादव, रानीरत वाडाका ४० बर्षिय लक्ष्मेश्वर पाण्डे र खैरबन्नीका ४० बर्षिय रबिन्द्र यादव छन् । घाइते मध्ये सुनिता देवी सतो, खत्वे मोहम्द, आसिन मैमुन खातुन, सुमित्रा कुमारी, सीतावटी देवी, धुव्रतारा देवी, विन्दा देवी र पवन राउत सहितका १२ जनाको उपचार जलेश्वर अस्पतालमा भइरहेको छ । अरु घाइते बारा धुनषा र भारत सुरसण्डका छन् । मृतक तीनै जना बसको छतमा बसेर यात्रा गरिरहेका यात्रु हुन् ।