लिम्वूवान डट व्लगस्पोट डटकम,काठमाडौं
एकीकृत नेकपा माओवादीका अध्यक्ष पुष्पकमल दाहालले फाल्गुन १५ गते सम्मममा संविधान लेखनमा देखिएका विवादबारे महत्वपूर्ण निर्णय हुने विश्वास व्यक्त गर्नुभएको छ। उहाँले संवैधानिक समिति अर्न्तगत गठित विवाद समाधान उपसमितिले तोकिएको समयावधि भित्रै राज्यको शासकिय स्वरुप, राज्यपुनःर्संरचना र निर्वाचनप्रणालीबारे टुंगो लगाउने विश्वास व्यक्त गर्नुभएको हो। सिंगापुर भ्रमण पुरा गरी आज स्वदेश फर्कनुभएका दाहालले त्रिभुवन अर्न्तराष्ट्रिय विमानस्थलमा संचारकर्मीसंग कुरा गर्दै संविधान लेखन कार्य सकारात्मक दिशामा अघिबढि रहेको दाबी समेत गर्नुभयो। उहाँले मन्त्रीपरिषद्ले पनि चाँडै नै पुर्णता पाउने जानकारी दिनुभएको थियो।
No comments:
Post a Comment