नेपाली युवालाई एसियामै पहिलो लाटोकोसेरा संरक्षण अवार्ड

लिम्वूवान डट व्लगस्पोट डटकम,काठमाडौं

कास्की, चैत्र ७ - लाटोकोसेराको अध्ययन र संरक्षणमा विशेष योगदान दिएका पोखराका ४० वर्षीय राजु आचार्यलाई अमेरिकाको हस्टन नेचर सेन्टरले 'वर्ल्ड उल हल अफ फेम स्पेशल अवार्ड' प्रदान गरेको छ । अमेरिकाको मिनेसोटामा अन्तराष्ट्रिय लाटोकोसेरा मेलाको अवसरमा उनलाई फागुन २१ गते अवार्डले पुरस्कृत गरिएको हो । अहिले सम्म विश्वका पाँच जना अनुसन्धानकर्ता पाएको उक्त अवार्ड एसियाबाट पाउने उनी पहिलो हुन् । बेलायत अमेरिका, क्यानडा र नेदरल्याण्डका ६ जना पंक्षी विद्हरुको अमेरिकाको होष्टनमा बसेको बैठकले आफुलाई पुरस्कृत गरिएको सोमबार पोखरामा आयोजीत पत्रकार सम्मेलनमा आचार्यले बताए । उनको नेतृत्वमा स्वयंसेवी संस्थाको रुपमा तीन वर्ष अघि प्रकृतिका साथी मार्फत नेपालमा पहिलो पटक लाटोकोसेरा र मानिसको बारेमा अध्ययन गदै आएको थियो । ९ वटा जिल्लामा २ सय १५ ठाउँमा लाटोकोसेराको चेतना शिविर लगायत संरक्षणको काम गर्दै आएको छ । २० वर्ष उनले लाटोकोसेरो अध्ययनमा लगाएका छन् ।