लिम्वूवान डट व्लगस्पोट डटकम,काठमाडौं
पूर्व राजपरिवारको सम्पत्ति खोज्ने क्रममा पूर्वराजा वीरेन्द्र शाहको सम्पत्तिमध्ये ४३ हजार स्टर्लिङ पाउन्ड किस्ट बैंकमा खाता खोलेर राखिएको छ । वीरेन्द्रको नाममा रहेको सम्पत्ति व्यवस्थापन गर्न स्थापित नेपाल ट्रस्टको कार्यालयले प्रधानमन्त्री झलनाथ खनालसँग बिहीबार पेश गरेको आफ्नो बार्षिक प्रतिवेदन २०६६/६७ मा जनाइएको छ । यसैगरी हालसम्म नबिल बैंक, होटल डेला अन्नपूर्ण र औद्योगिक विकास निगमबाट एकलाख ४२ हजार ५०३ कित्ता सेयर ट्रस्टको स्वामित्वमा आएको, लिजभाडामा दिइएका विभिन्न सम्पत्तिबाट रु नौ करोड २७ लाख रकम प्राप्त भएको ट्रस्टले जनाएको छ । नेपाल ट्रस्टको स्वामित्वमा हालसम्म देशका विभिन्न जिल्लामा पाँच हजार ६४ रोपनी क्षेत्रफलको घरजग्गा प्राप्त भएको तथा चालु आर्थिक वर्षमा पोखराको रत्नमन्दिर र भरतपुरको दियालो बङ्गलाजस्ता महत्वपूर्ण भवन तथा जग्गासमेत नेपाल ट्रस्टमा आएको ट्रस्टका कार्यकारी सचिव शङ्करप्रसाद कोइरालाले जानकारी गराउनुभयो । प्रतिवेदन बुझेपछि प्रधानमन्त्री खनालले ट्रस्टलाई योजना तथा कार्यक्रमका साथ अघि बढाउने, स्वदेश तथा विदेशमा रहेको सम्पत्ति खोजबिन कार्यलाई प्रभावकारी बनाउने र प्राप्त भएका तथा प्राप्त हुने सम्पत्तिको संरक्षण, सम्वर्द्धन तथा विकासका लागि बढी ध्यान केन्दि्रत गर्न आग्रह गर्नुभयो । उहाँले ट्रस्टको सम्पत्तिबाट दुर्गम क्षेत्रमा शिक्षा तथा स्वास्थ्यका कार्यक्रम सञ्चालन गर्न प्राथमिकता दिनुपर्ने बताउनुभयो ।
पूर्व राजपरिवारको सम्पत्ति खोज्ने क्रममा पूर्वराजा वीरेन्द्र शाहको सम्पत्तिमध्ये ४३ हजार स्टर्लिङ पाउन्ड किस्ट बैंकमा खाता खोलेर राखिएको छ । वीरेन्द्रको नाममा रहेको सम्पत्ति व्यवस्थापन गर्न स्थापित नेपाल ट्रस्टको कार्यालयले प्रधानमन्त्री झलनाथ खनालसँग बिहीबार पेश गरेको आफ्नो बार्षिक प्रतिवेदन २०६६/६७ मा जनाइएको छ । यसैगरी हालसम्म नबिल बैंक, होटल डेला अन्नपूर्ण र औद्योगिक विकास निगमबाट एकलाख ४२ हजार ५०३ कित्ता सेयर ट्रस्टको स्वामित्वमा आएको, लिजभाडामा दिइएका विभिन्न सम्पत्तिबाट रु नौ करोड २७ लाख रकम प्राप्त भएको ट्रस्टले जनाएको छ । नेपाल ट्रस्टको स्वामित्वमा हालसम्म देशका विभिन्न जिल्लामा पाँच हजार ६४ रोपनी क्षेत्रफलको घरजग्गा प्राप्त भएको तथा चालु आर्थिक वर्षमा पोखराको रत्नमन्दिर र भरतपुरको दियालो बङ्गलाजस्ता महत्वपूर्ण भवन तथा जग्गासमेत नेपाल ट्रस्टमा आएको ट्रस्टका कार्यकारी सचिव शङ्करप्रसाद कोइरालाले जानकारी गराउनुभयो । प्रतिवेदन बुझेपछि प्रधानमन्त्री खनालले ट्रस्टलाई योजना तथा कार्यक्रमका साथ अघि बढाउने, स्वदेश तथा विदेशमा रहेको सम्पत्ति खोजबिन कार्यलाई प्रभावकारी बनाउने र प्राप्त भएका तथा प्राप्त हुने सम्पत्तिको संरक्षण, सम्वर्द्धन तथा विकासका लागि बढी ध्यान केन्दि्रत गर्न आग्रह गर्नुभयो । उहाँले ट्रस्टको सम्पत्तिबाट दुर्गम क्षेत्रमा शिक्षा तथा स्वास्थ्यका कार्यक्रम सञ्चालन गर्न प्राथमिकता दिनुपर्ने बताउनुभयो ।
No comments:
Post a Comment