यौन क्रियाकलापमा संलग्न रहेको आरोपमा चार जोडी पक्राउ

लिम्वूवान डट व्लगस्पोट डटकम,काठमाडौं

यौन क्रियाकलापमा संलग्न रहेको आरोपमा चार जोडीलाई पर्यटकीय केन्द्र पोखराको लेकसाईटस्थित एक होटलबाट प्रहरीले पक्राउ गरेको छ । यौन विकृति नियन्त्रणको लागि खटिएको वडा प्रहरी कार्यालय बैदामको टोलीले चेकजाँच गर्ने क्रममा होटल मेकुल्पाबाट चार पुरुष र चार युवतीलाई आपत्तिजनक अवस्थामा पक्राउ गरेको हो । उनीहरुलाई केही सार्वजनिक अपराधको मुद्दामा कारबाही चलाउने प्रहरीले तयारी गरेको जनाएको छ । पक्राउ पर्नेमा काठमाडौं-९ का जयन्द्र खड्गी, स्वयम्भुका सञ्जय थपलिया, चितवन भरतपुरका जीवनकुमार श्रेष्ठ र सोही ठाउँका सुशील शाही छन् । उनीहरुसँगै चार युवतीलाई पनि प्रहरीले पक्राउ गरेको छ ।