लिम्वूवान डट व्लगस्पोट डटकम,काठमाडौं
कांग्रेस नेता तथा पूर्वमन्त्री चिरञ्जीवी वाग्लेलाई भ्रष्टाचार मुद्दामा सर्वोच्च अदालतले बुधबार जेल चलानको फैसला सुनाएको छ । प्रधानन्यायाधीश रामप्रसाद श्रेष्ठ र बरिष्ठ न्यायाधीश खिलराज रेग्मीको इजलासले वाग्लेलाई डेढ वर्ष कैद, २ करोड ३ लाख जरिवाना र २ करोड ३ लाख बिगो असुल गर्न फैसला गरेको हो । सर्वोच्चको फैसला अन्तिम भएकोले अब पूर्व मन्त्री वाग्लेले अनिवार्य रुपमा जेल बस्नु पर्नेछ । वाग्लेले भ्रष्टाचार गरेको ठहर गर्दै २०५९ सालमा अख्तियार दुरुपयोग अनुसन्धान आयोगले दायर गरेको मुद्दामा विशेष अदालतमा २ वर्ष ६ महिना कैद र दुई करोड ७२ लाख जरिवाना गर्ने फैसला सुनाएको थियो । विशेष अदालतको फैसलामा असन्तुष्ट वाग्लेले सर्वोच्चमा पुनरावेदन गर्नु भएको थियो ।
No comments:
Post a Comment