संघिय विद्यार्थी युनियनको बन्दका कारण ताप्लेजुङ प्रभावित

लिम्वूवान डट व्लगस्पोट डटकम,काठमाडौं

संघिय विद्यार्थी युनियनले गरेको बन्दको कारण आज ताप्लेजुङका संम्पुर्ण शैक्षिक संस्था, यातायात र कार्यालयहरु विहानै बाट बन्द भएका छन् । गत २०६५ चैत्र ६ गते झापाको धुलाबारी क्याम्पसमा हत्या गरीएका मनिल तामाङलाई शहिदको रुपमा क्यालेण्डरमा सरकारले प्रकासन नगरेको र सहिदहरुको अपमान गरेको विरोधमा आज सो विद्यार्थी युनियनले बन्दको आवाहान गरेको हो । यसै विच जिल्लाका विभिन्न विद्यालयमा परीक्षा चलिरहेको र विद्यार्थीको मागलाई ध्यानमा राखि परीक्षा सञ्चालनमा भने कुनै अवरोध नगरीने उक्त विद्यार्थी युनियनले हिजो एक प्रेश विज्ञप्ति प्रकासीत गरी जनाएको छ । संघिय विद्यार्थी युनियन ताप्लेजुङका अध्यक्ष मेन्छ्याहाङ्ग हेल्लोकद्धारा हस्ताक्षरित विज्ञप्तिमा उक्त कुरा उल्लेख गरीएको छ ।