गृहमन्त्रालय आफ्नो पार्टीले पाउने भट्टराईको दाबी

लिम्वूवान डट व्लगस्पोट डटकम,काठमाडौं

शनिबार विराटनगर विमानस्थलमा पत्रकारहरुसँग कुरा गर्दै एकीकृत नेकपा माओवादीका उपाध्यक्ष डा भट्टराईले सातबुँदे सहमतिअन्तर्गत नै सरकार निर्माण भएको र ढिलो वा चाँडो गृहमन्त्रालय आफ्नो पार्टीले पाउने बताउनुभयो । गृहमन्त्रालय नपाएमा ए. माओवादी पार्टीले के गर्छ भन्ने प्रश्नको उत्तरमा उपाध्यक्ष डा. भट्टराईले आफूहरु निराशावादी कुरामा नलाग्ने बताउनुभयो । उहाँले शान्ति र संविधानका लागि राष्ट्रिय सरकारको आवश्यकता भएअनुरुप वर्तमान सरकारलाई नै राष्ट्रिय सरकारका रुपमा लैजान सकिने भन्दै सबै कुरा सातबुँदे सहमतिअनुसार हुँदै जाने बताउनुभयो । उपाध्यक्ष डा. भट्टराईले सरकारमा सहभागी हुन चाहने दलहरुले आ-आफ्नो दाबी प्रस्तुत गर्नसक्ने भन्दै आफूहरुले ढोका खुल्ला राखेको बताउनुभयो ।पार्टीको मजदुर सङ्गठनमा देखिएको विवादका बारे उपाध्यक्ष डा. भट्टराईले आफूहरुले कुनै संगठन खोलेको नभई एकताका लागि भेलामात्रै गरेको जानकारी गराउनुभयो ।