साहित्य महासंघको युएई शाखा निर्माण

लिम्वूवान डट व्लगस्पोट डटकम,काठमाडौं

युएई, गत ४ मार्च ११ का दिन विश्व नेपाली साहित्य महासंघ युनाइटेट अरब इमिरेट (युएई) शाखा निर्माण भएको छ ।नेपाली रेष्टुरेण्ट एण्ड बार युएईमा भेला भएका साहित्यिक स्रष्टाहरुको एक भेलाले बलदेव भट्टको अध्यक्षतामा ११ सदस्य शाखा समिति निर्माण गरेको छ । समितिको उपाध्यक्षमा तारा बलाल ‘स्टार’, महासचिव जितेन्द्र मल्ल, सचिव दिपराज नेयोङहाङ, आर्थिक सचिव रामनाथ मिश्र र सदस्यहरु क्रमशः केशव न्यौपाने, विश्व लिम्बु, द कैलास राई, लाक्पा शेर्पा, बलराम खनाल र बिक्रम शिशिर चयन हुनु भएको छ ।विश्वकै ब्यापारिक केन्द्र युएइमा निर्माण भएको शाखालाई निक्कै महत्वका साथ हेरिएको छ भने युएई शाखा महासंघको एघारौ हो । यो भन्दा अगावै विभिन्न ८ वटा देशमा १० वटा शाखा निर्माण भई संचालनमा रहेका छन् ।उक्त कार्यक्रममा साहित्य महासंघका केन्द्रिय उपसचिव कवी समदर्शि काँइलाको उपस्थिती रहेको थियो । अन्य मुलुकहरुमा पनि महासंघको शाखा बन्नेक्रम जारी छ ।