यमनको सानामा बम विष्फोट ५० बढीको मृत्यु

लिम्वूवान डट व्लगस्पोट डटकम,काठमाडौं 

 यमनको राजधानी सानामा आत्माघाती बम विष्फोट हुँदा ५० बढीको मृत्यु भएको छ । यमनको राजधानी सानास्थिति सैनिक परेड मैदानमा सैनिक पोषाकमा आएका एक आत्मघाती आक्रमणकारीले अभ्यासरत रहेका सैनिकहरुको बिचमा पुगेर बम विस्फोट गराएको थियो । उक्त स्थानमा आज यमनले एकीकरणको २२औँ वार्षिकउत्सवको कार्यक्रम आयोजना गरेको थियो । वार्षिकोत्सव कार्यक्रममा यमनका राष्ट्रपति अतिथिका रुपमा आउने पूर्व निर्धारित कार्यक्रमलाई लक्षित गरी आत्मघाती आक्रमणकारीले बिष्फोट गराएको अधिकारीहरुले बताएका छन् । उक्त घटनाका प्रत्यक्षदर्शी सैनिकले मृतकको संख्या ५० पुगेको र त्यो संख्या अझ बढ्ने बताएको विभिन्न समाचार संस्थाले उल्लेख गरेका छन ।