News

May 29, 2012

राष्ट्रसंघका महासचिव बान कि मुनले चिन्ता व्यक्त

लिम्वूवान डट व्लगस्पोट डटकम,काठमाडौं 
नयाँ संविधान जारी नै नगरी नेपालमा संविधानसभाको विघटन भएकोमा राष्ट्रसंघका महासचिव बान कि मुनले चिन्ता व्यक्त गरेका छन् । मुनका प्रवक्ताले आज जारी गरेको एक विज्ञप्तिमा संविधानसभाको विघटनले नेपाली जनतामा छाएको निराशाप्रति सहानुभूति व्यक्त गरेको उल्लेख छ । विज्ञप्तिमा अविलम्ब बैधानिक प्रक्रियाबाट संविधान निर्माणको कामलाई निरन्तरता दिनु जरुरी भएको उल्लेख गरिएको छ । मुनले विज्ञप्तिमार्फत संविधानसभा विघटनसँगै नेपाल संवैधानिक र राजनीतिक अनिश्चिततातर्फ प्रवेश गरेको बताएका छन् । उनले सबै दललाई अहिलेसम्मको उपलब्धीको रक्षा गर्न विगतका प्रतिवद्धतालाई पूरा गर्न आग्रह गरेका छन् । यसैबीच नेपालमा देखिएको पछिल्लो घटनाक्रमका बारेमा चिनियाँ राजदूत याङ हाउलान र भारतीय राजदूत जयन्तप्रसादको आज बिहान प्रधानमन्त्रीसँगको छुट्टा छुट्टै भेटमा चासो व्यक्त गरेका छन् ।

No comments: