माओवादीले हाम्रो सल्लाह माने - प्रणव मुखर्जी

लिम्वूवान डट व्लगस्पोट डटकम,काठमाडौं

भारतका विदेशमन्त्री प्रणव मुखर्जीले भारतले नेपालका माओवादीलाई हतियार बिसाएर राजनीतिक मूलधारमा ल्याउन मद्दत गरेको बताउनुभएको छ। अल जजिरा टेलिभिजनलाई बुधबार उहाँले दिनुभएको एक अन्तर्वार्तामा मुखर्जीले भारतको प्रयत्न छिमेकमा शान्ति स्थापना गर्ने कुरामा केन्द्रित रहेको समेत बताउनुभएको छ।उहाँले अगाडि भन्नुभएको छ- उदाहरणका लागि छिमेकी हिमाली देश नेपालमा जब समस्या थियो, हामीले त्यहाँका राजनीतिक पार्टी सम्झायौं, माओवादीले हिंसा त्यागे र मूलधारको राजनीतिक गतिविधिमा सहभागी भए। उनीहरूले हाम्रो सल्लाह सुने र मन्जुर गरे। जसअनुसार अन्य प्रजातान्त्रिक पार्टीग मिलेर सरकार बनाए। जुन सरकारको नेतृत्व उनीहरू (माओवादी) ले गरिरहेका छन्।’