विश्वकप २०१० को अन्तिम १६ मा प्रवेश

लिम्वूवान डट व्लगस्पोट डटकम,काठमाडौं

डरबन,अषाढ ९ - दक्षिण कोरियाले मंगलबार राति विश्वकप २०१० को अन्तिम १६ मा प्रवेश गरेको छ । समूह 'बी' को आफ्नो अन्तिम खेलमा दक्षिण कोरियाले नाइजेरियालाई २-२ को बराबरीमा रोक्यो । यसले एसियाली फुटबल महाशक्ति समूहमा अर्जेन्टिनापछि दोस्रो स्थानमा रह्यो । दक्षिण कोरिया विदेशी भूमिमा नकआउट चरणमा पुगेको यो पहिलो पल्ट हो । उसले गि्रसलाई सुरुआती खेलमा २-० ले पराजित गरेपछि अर्जेन्टिनासँग ४-१ ले पछाडि परेको थियो । नाइजेरियाले यसअघिका दुवै खेलमध्ये गि्रससँग २-१ र अर्जेन्टिनासँग १-० ले पराजित रहेको थियो । डिएगो म्याराडोनाको अर्जेन्टिना समूहको शीर्ष स्थानमा रह्यो । लिग चरणमा अपराजित अर्जेन्टिनाले मंगलबार रातिको अको खेलमा ग्रीसलाई २-० ले हरायो । अब प्रि-क्वाटरफाइनलमा दक्षिण कोरियाले उरुग्वे तथा अर्जेन्टिनाले मेक्सिकोको सामना गर्नेछ ।