सरकारले थप चार महिनासम्म रुख काट्नमा पुनः प्रतिबन्ध

लिम्वूवान डट व्लगस्पोट डटकम,काठमाडौं

यसअघि दुई महिनासम्म सार्वजनिक वनबाट रुख कटानमा रोक लगाउने निर्णय गरेको सरकारले थप चार महिनासम्म रुख काट्नमा पुनः प्रतिबन्ध लगाएको छ । सरकारले वर्षायाममा धेरै चोरी-निकासी हुने भन्दै यस्तो निर्णय गरेको हो । सिंहदरबारमा बुधबार बसेको मन्त्रिपरिषद् बैठकले पूर्व-पश्चिम जोड्ने मेची-महाकाली विद्युतीय रेलमार्ग जोड्ने मुख्य मुख्य बिन्दु पहिचान गरेको छ । मन्त्रिपरिषद्ले पहिचान गरेको बिन्दुमा गढ्ढा चौकी कोशी ब्यारेज माडी ढल्केवर काठमाडौं कोहलपुर भालुवाङ टीकापुरलगायतका केन्द्र बनाएर झापाको काँकडभिट्टासम्म पुर् याउन प्रस्ताव गरेको सरकारका प्रवक्ता सूचना तथा साचारमन्त्री शंकर पोख्रेलले जानकारी दिनुभयो । त्यसका लागि काठमाडौं र पोखरालाई पनि केन्द्रबिन्दु बनाएर विद्युतीय रेलमार्गको अध्ययन गर्न समिति बनाइने उहाँले बताउनुभयो ।