किर्गिज र उज्वेक जातीय समूहबीच भएको हिंसामा ५० को मृत्यु

लिम्वूवान डट व्लगस्पोट डटकम,काठमाडौं
बिस्केक/ किर्गिस्तानको दोस्रो ठूलो सहर ओसमा किर्गिज र उज्वेक जातीय समूहबीच भएको हिंसामा शुक्रबारसम्म मर्नेको संख्या ५० पुगेको छ　। हिंसामा अहिलेसम्म ६ सय ६० भन्दा बढी घाइते भएका छन्　। हजारौँ मानिस आफ्नो ज्यान जोगाउन उज्वेकिस्तानको सीमातिर भागिरहेका छन्　। किर्गिस्तानको अन्तरिम सरकारका राष्ट्रपति रोजा ओटुबाऐभले जातीय हिंसा नियन्त्रण गर्न सहयोग गर्न रुससँग अपिल गरेकी छिन्　।
'यो स्थिति साम्य पार्न हामीलाई बाहिरी सशस्त्र बलको आवश्यकता छ,' ओटुबाऐभले टेलिभिजन सम्बोधनमा भनिन्　। यसका लागि रुसका राष्ट्रपति दिमित्री मेतभेदभलाई सैनिक बल पठाइदिन अपिल गर्दै चिठी पठाइएको पनि उनले सम्बोधनमा जानकारी दिइन्　। ओसको स्थिति नियन्त्रणभन्दा बाहिर गएको पनि उनले बताइन्　। किर्गिस्तान सरकारले देशमा संकटकाल घोषणा गरेको छ　। देशमा कपर्\mयु लगाइएको छ　। हिंसा बिहीबारदेखि सुरु भएको थियो　। ओस सहरको प्रमुख बजारमा आगो लागेको छ　। कयौँ इलाकामा गोलीका आवाज सुनिएको छ　। राजधानी बिस्केकमा हजारौँ प्रदर्शनकारी जम्मा भई ओस र जलालवाद गई भिडन्तमा भाग लिउ" भन्ने नारा लगाइरहेका छन्　।
'कयौँ स्थानमा पूरै सडकमा आगो लागेको छ　। स्थिति नियन्त्रणबाहिर छ　। हिंसा रोकिने कुनै संकेत अहिलेसम्म देखिएको छैन　। कयौँ घरमा आगो लागेको छ,' गृह मन्त्रालयका प्रवक्ताका रखमाटिलो अखमेदोवले भने　। हिंसामा अधिकांशजस्तो उज्वेक समुदायको सम्पत्तिमा आगो लगाइएको छ　। किर्गिस्तानमा ७० प्रतिशत किर्गिज जनसंख्या रहेको छ　। यसैगरी, उज्वेक जातिको जनसंख्या १५ प्रतिशत रहेको छ　।
स्थानीय रिपोर्टअनुसार हिंसा सुरुमा आपसी दुस्मनी समूहबाट सुरु भएको थियो　। यो हिंसा जुन २७ मा हुने भनिएको जनमत-संग्रहअगाडि भएको छ　। ओसमा १९९० मा भएको जातीय हिंसामा सयौँ मानिसको मृत्यु भएको थियो　। ओसमा रुस र अमेरिका दुवैको सैन्य अखडा रहेकेा छ　। किर्गिस्तान पूर्व सोभियत संघबाट १९९१ मा स्वतन्त्र भएको थियो　। गत अपि्रलमा मात्र राष्ट्रपति कुरमानवेक बाकियाभको सरकारलाई सत्ताच्युत गरेर रोजा ओटुबाऐभ अन्तरिम सरकारकी राष्ट्रपति भएकी थिइन्　।