ब्राजिलले विश्वकप २०१० मा आफ्नो विजय सुरुवात

लिम्वूवान डट व्लगस्पोट डटकम,काठमाडौं

अषाढ २ - विश्वकप फुटबलमा पाँच पटकको च्याम्पियन ब्राजिलले विश्वकप २०१० मा आफ्नो विजय सुरुवात गरेको छ । बुधबार अबेर राति भएको खेलमा उत्तर कोरीयालाई २-१ ले पराजित गर्दै ब्राजिलले सुखद सुरुवात गरेको हो । ५५ औं मिनेटसम्म बराबरीमा रोकिएकोमा ब्राजिलका माइकोनले गोलको खाता खोलेका थिए । दोस्रो गोल भने खेलको ७२ औं मिनेटमा इलानोले गरे । उत्तर कोरीयाका जे युन नामले ८९ औं मिनेटमा गोल फर्काएको थियो । ४४ वर्षपछि उत्तर कोरीयाले विश्वकपमा पहिलो गोल गरेको हो ।