बहुविवाह गरेको आरोपमा पक्राउ

लिम्वूवान डट व्लगस्पोट डटकम,काठमाडौं

बहुविवाह गरी पहिलो पत्नीलाई घर निकाला गर्ने भुमेस्थान गाविस-८ निवासी २८ वर्षीय किरण श्रेष्ठलाई मंगलबार जिल्ला प्रहरी कार्यालय धादिङले पक्राउ गरी बहुविवाह गरेको आरोपमा मुद्दा चलाउने भएको छ। महिला मानवअधिकार रक्षक जिल्ला साजालको सहयोगमा किरणकी पत्नी पुष्पा श्रेष्ठले असार ७ गते आफूविरुद्ध बहुविवाह गरी घर निकालासमेत गरेपछि कानुन बमोजिम कारबाही गर्न र आफूलाई न्याय दिलाउन माग गर्दै प्रहरी कार्यालयमा जाहेरी दर्ता गराएपछि किरणलाई पक्राउ गरी प्रहरीले हिरासतमा लिएको हो। पुष्पालाई किरणले मट्टितेल खन्याएर जलाउने तातो चिया खन्याउने कुटपिट गर्ने गरी घर निकाला गरेको र जेठ १८ गते गाउँकै अम्बिका थापालाई दोस्रो विवाह गरेका कारण पुष्पाले बहुविवाहको मुद्दा दायर गरेकी हुन्। पीडितकी एक छोरीसहित माइती गोरखा जिल्लाको घ्याल्चोकमा बस्दै आएकी छिन्। पीडित घर आए मार्ने धम्कीसमेत आउने गरेको र ज्यान मार्ने प्रयास गर्ने गरेका कारण माइतमा बस्दै आएको पुष्पाले जानकारी दिइन्।