प्रधान मन्त्रीद्वारा विशेष समिति सचिवालयलाई काम थाल्न निर्देशन

लिम्वूवान डट व्लगस्पोट डटकम,काठमाडौं

चैत १०,प्रधान मन्त्री बाबुराम भट्टराईले ७ बुँदेको मर्मअनुसार सेना समायोजनसम्बन्धी कार्ययोजना ५ दिनभित्र पेश गर्न सेना समायोजन विशेष समतिअन्तर्गतको (माओवादी सेनाका लडाकुहरुको रेखदेख समायोजन र नियन्त्रण गर्न बनेको) सचिवालयलाई निर्देशन दिएका छन्। शुक्रबार बिहान प्रधान मन्त्री कार्यालय सिंहदरबारमा सचिवालयका संयोजक वालानन्द शर्मा, प्रधान सेनापति छत्रमान गुरुङ, मुख्य सचिव माधवप्रसाद घिमिरे, माओवादी सेनाका डेपुटी कमाण्डर चन्द्रप्रकाश खनालसँगको भेटमा प्रधान मन्त्रीले उक्त निर्देशन दिएका हुन। प्रधान मन्त्रीले राज्यका अङ्गहरुसँग परामर्श गरेर कार्यविधि ल्याउन सचिवालयलाई निर्देशन दिएका हुन। प्रधान मन्त्रीको निर्देशनसँगै सचिवालयले आफ्नो कार्य तीव्र गतिमा अगाडि बढाएको छ।