बहराइनको दुर्घटनामा तीन नेपालीको मृत्यु

लिम्वूवान डट व्लगस्पोट डटकम,काठमाडौं

मानामा , चैत्र १२ - बहराइनको राजधानी मानामा नजिकै शुक्रबार भएको सडक दुर्घटनामा तीन नेपालीको मृत्यु भएको छ । शेख इसा बिन सलमान हाइवे पार गर्ने क्रममा कारले किच्दा ४७ वर्षीय बेलबहादुर पुन, २३ वर्षे कुलप्रसाद पुन फाकामी र २२ वर्षीय टुकराज थापाको मृत्यु भएको हो । उनीहरू गल्फ फेन्सिङ एन्ड स्पेसलिस्ट सर्फसिङ इस्टाब्लिसमेन्ट कम्पनीमा कार्यरत थिए । काम सकेर घर फिर्न कम्पनीको गाडी चढ्न जाने क्रममा कार चालकले नियन्त्रण गुमाई उक्त दुर्घटना भएको थियो । बहराइनी कार चालक पनि गम्भीर घाइते छन् । उनीहरू कार्यरत कम्पनीले 'असल र इमान्दार नेपाली कामदार गुमाएकामा' दुःख प्रकट गरेको छ ।