९ जिल्ला लिम्बुवानका लागि मेचीपुलबाट लिम्बुवान मार्चपास शुरु

लिम्वूवान डट व्लगस्पोट डटकम,काठमाडौं

काँकडभिट्टा, झापा लिम्बुवान, फागुन २६, २०६८,संविधान सभामार्फत तत्काल नयाँ संविधान जारी गरी संघीय लोकतान्त्रिक गणतन्त्रात्मक धर्मनिरपेक्ष नेपाल अन्तर्गत ऐतिहासिक पृष्ठभूमिको आधारमा आत्मनिर्नायाको अधिकार र स्वाशासनसहितको सङ्खुवा-अरुणपूर्व नौ जिल्ला लिम्बुवान स्वायत्त राज्य घोषणा गर्न गराउन शान्तिपूर्ण संघर्षको चरमोत्कर्षचरणको आन्दोलन जारी छ । यसै आन्दोलनको क्रम्मा संघीय मञ्च सम्बद्ध संघीय लिम्बुवान राज्य परिषदले २०६८ फागुन २६ गते बिहानको ११ बजेदेखि मेचीपुल काँकडभिट्टा, झापा लिम्बुवानबाट दमकसम्म गरिने लिम्बुवान पैदल मार्चपास आन्दोलन शुभाराम्भ गरेको छ ।

लिम्बुवान, नेपालको पूर्वी सिमाना मेची पुल काँकडभिट्टामा मार्चपासको लागि भेला भएका हजारौं नेता कार्यकर्ताहरु माझ मेचीपुल मार्च पासको व्यानर उद्घाटन गरेर शुभाराम्भ गरिएको यो मार्च पास अघि बढिरहेको छ । संघीय मञ्च तथा सम्बद्ध संघीय लिम्बुवान राज्य परिषदका अध्यक्ष कुमार लिङ्देन 'मिराक'ले मार्च पासको उद्घाटन गर्दै अरुण-सप्तकोशीपूर्व ९ जिल्ला लिम्बुवान स्वायत्त राज्य घोषणा गराउन शान्तिपूर्ण आन्दोलनको रुपमा यो मार्चपास गरिएको बताउनु भयो । साथै, वहाँले यो शान्पिपूर्ण मार्चपासको आन्दोलनलाई केवल कमजोरीको रुपमा मात्र नठानी दिन एकात्मकवादीहरुलाई चेतावनी दिनुभयो । अध्यक्ष मिराकले आवश्यक परे यी शान्तिपूर्ण तरिकाले खाली हात उत्रेका हजारौं-लाखौं जनताहरु जस्तोसुकै चुनौतीपूर्ण संघर्षका आन्दोलनहरु प्नि गर्न पछि नहट्ने र यो मार्चपास त्यसको लागि रिहर्सल गरिएको पनि बताउनु भयो ।

संघीयता, गणतन्त्र र लिम्बुवानका विभिन्न नाराहरु उद्घोष गर्दै फागनु २६ गते बिहान मेचीपुस काँकडभिट्टाबाट शुरु भएको यो मार्चपासले करिब ३५ किलोमिटरको पैदल यात्रा पार गरेर त्यसदिन सत्तासी दूधेसम्म पुगेर त्यही गाउँमै रहने छ । यसैगरी, दोस्रो दिन फागुन २७ गते सत्तासी दूधेबाट विहान सबेरै मार्चपास शुर्रुभई करिब १५ कि. मि. को दूरी पार गरे दिनको १ बजे दमक झापामा पुगी समापन समारोहमा परिणत हुनेछ । सो समापन समारोहलाई संघीय मञ्च र लिम्बुवानका प्रमुख नेतृत्वहरुले सम्बोधन गर्ने कार्यक्रम समेत रहेको छ ।

- डीबी आङ्बुङ लिम्बू