हङकङमा गायक कृष्णभक्त राईको एकल गायन साँझ सम्पन

लिम्वूवान डट व्लगस्पोट डटकम,काठमाडौं 

हङकङ जुन ९ , हङकङको जोर्डनमा रहेको याक एण्ड यति रेस्टुरेण्ट एण्ड बारमा हङकङरहेको एकमात्र नेपाली म्यूजिक कम्पनी हिमालयन टोन्स म्यूजिक कम्पनीले नेत्रबिहिन गायक तथा संगितकार कृष्णभक्त राईको सहयोगार्थ कृष्णभक्त राई एकल गायन साँझ सम्पन गरेको छ । हिमालयन टोन्स म्यूजिक एकेडेमीका सञ्चालक तथा बरिष्ठ संगीतकार दिनेश सुब्बा र लिम्बुवान ब्लगस्पोट डटकम तथा नेपाली साहित्य प्रतिष्ठान हंगकंगका अध्यक्ष टंक सम्बाहाङफेले गायक कृष्णभक्त राई र उहाँका बुबा अजम बहादुर राईलाई खादा ओडाएर कार्यक्रमको शुरुवात गर्नु भएको थियो ।उपस्थित सम्पूर्ण दर्शक तथा स्रोताहरुलाई टंक सम्बाहाङफेले स्वागत गर्नु भएको थियो । नेपाली साहित्य प्रतिष्ठान हंगकंगका अध्यक्षले स्वागत मन्तब्यमा बोल्दै भन्नु भयो । गीतकार,संगीतका र गायकको अपूर्व मिलनले यो एकल गायक निक्कै महत्वपूर्ण भएको छ । कार्यक्रमको उदेश्यको बारेमा बरिष्ठ संगीतकार दिनेश सुब्बाले जानकारी दिनु भए अनुसार कार्यक्रममा उठेको रकम खर्च कटाएर सबै रकम गायकलाई नै प्रदान गर्ने कुरा बताउनु भयो । हिमालयन टोन्स म्यूजिक एकेडेमीका सञ्चालक तथा बरिष्ठ संगीतकार दिनेश सुब्बा र टंक सम्वाहाम्फेको बिशेष पहलमा कार्यक्रम तय गरीएको हो ।यो कार्यक्रम हिमालयन टोन्स म्यूजिक एकेडेमीकाले आफ्नो फाइदाको लागि नभए र गायक तथा संगीतकार कृष्णभक्त राईलाई सहयोग गर्ने उदेश्यले आयोजन गरिएको जानकारी गराउनु भएको थियो ।कार्यक्रम सफल रहयो हङकङमा रहनु हुने संगीत प्रेमी,कबि तथा साहित्यकार र समाजसेवीहरुको उल्लेखय उपस्थित रहेको थियो ।कार्यक्रम देवराज राईले सञ्चालन गर्नु भएको थियो । गायक राईले राष्ट्रिय गीतबाट कार्यक्रमको शुरुवात गरेर हङकङगेली गीतकार टंक सम्बाहाङफेको गीत र संगीतकार दिनेश सुब्बाव्दारा संगीतबद्ध गीतहरु र पुराना चर्चित गीतहरु साथै आफैले संगीतबद्ध गरेका केहि गीतहरु सुनाएर स्रोता तथा दर्शकहरुलार्इ मन्त्रमुग्द बनाउनु भएको थियो । बि.सं २०५७ सालमा पनि हंगकंगमा वहाले सामूहिक रुपमा आफ्नो कार्यक्रम प्रस्तुत गर्नु भएको थियो ।