भारतमा राष्ट्रपति निर्वाचन घोषणापछि राजनीतिक चलहपहल

लिम्वूवान डट व्लगस्पोट डटकम,काठमाडौं 

नयाँदिल्ली- भारतमा राष्ट्रपति निर्वाचनको घोषणा लगत्तै राजनीतिक दलबीच चलहपहल बढेको छ । मंगलबार भारतको निर्वाचन आयोगले १९ जुलाईमा राष्ट्रपति निर्वाचन हुने घोषणा गरेको थियो । यसैक्रममा पश्चिम बंगालकी मुख्यमन्त्री ममता बनर्जीले बुधबार साँझ समाजवादी पाटींका अध्यक्ष मुलायमसिंह यादवसँग भेटवार्ता गरेकी छन् । भेटपछि मुलायम सिंह र ममता बनर्जीले संयुक्त रुपमा राष्ट्रपतिका लागि तीन नाम पेश गरेका छन् । पूर्व राष्ट्रपति एपिजे अब्दुल कलाम, प्रधानमन्त्री मनमोहन सिंह तथा लोकसभाका पूर्वअध्यक्ष सोमनाथ चटर्जीको नाम प्रस्ताव गरिएको छ । ममता र मुलायमले संयुक्त प्रेस सम्मेलनमा सबै दललाई तीनमध्ये एक नाममा आमसहमति गर्न अपिल गरेका छन् । मुलायम र ममताले केन्द्रिय वित्तमन्त्री प्रणव मुखर्जी र उपराष्ट्रपति हामिद अन्सारीको नाम खारेज गरिदिएका छन् । प्रणव मुखर्जी राष्ट्रपति पदका लागि काँग्रेसको पहिलो रोजाइ हो भने दोस्रोमा उपराष्ट्रपति हामिद अन्सारी रहेका छन् । तर बनर्जी र मुलायम सिंहलाई ती दुवै नाम मन परेन । ममताले बुधबार कांग्रेस अध्यक्ष सोनिया गान्धीसँग भेट गरेकी थिइन् । सो भेटपछि ममता र मलायमबीच करिब एक घन्टा विचारविमर्श भएको थियो ।