महाधिवेशनको मिति तोक्न विद्यार्थीको आग्रह

लिम्वूवान डट व्लगस्पोट डटकम,काठमाडौं 

असार ७ - नेपाल विद्यार्थी संघको महाधिवेशनको मिति तोक्न विद्यार्थीहरूको प्रतिनिधि मण्डलले कांग्रेस अध्यक्ष सुशील कोइराललाई भेटेको छ । भ्रातृ संगठनका विषयमा पार्टीभित्र देखिएको विवाद मिलिसकेको अवस्थामा महाधिवेशनको मिति तोक्नुपर्ने उनीहरूको राय थियो । अध्यक्ष कोइरालाले तोकिएको समयमा नै महाधिवेशन हुने बताए । कोइरालाले भने, 'सबै मिलेर वातावरण तयार गर्ने हो भने महाधिवेशन तोकिएको समयमा नै हुन्छ ।' उनेले नेवि संघ अध्यक्षलाई बोलाई सल्लाह गर्ने बताएको विद्यार्थी नेता नैनसिंह महरले बताए । महरका अनुसार नेपाल विद्यार्थी संघ विघटन गर्दा ६ महिनाभित्र अधिवेशन गर्ने प्रतिबद्धता थियो । अधिवेशन तयारीका लागि हालसम्म कुनै कदम नचालिएकोमा कोइराला समक्ष विद्यार्थीहरूले असन्तुष्टि जनाएका थिए । कोइरालले कांग्रेस महामन्त्रीको संयोजकत्वमा निर्देशन समिति गठन गरी तोकिएकै समयमा अधिवेशन गर्ने आश्वासन विद्यार्थी नेताहरुलाई दिएका थिए । प्रजातन्त्रप्रति विश्वास गर्ने विद्यार्थी संगठन भएर पनि चार वर्ष अघिदेखि विद्यार्थीहरुले प्राजतान्त्रिक अभ्यास गर्न भने पाएका छैनन् ।