गच्छदारको पार्टीबाट राजीनामा दिनेहरुले असार १३ गते नयाँ पार्टी खोल्ने

लिम्वूवान डट व्लगस्पोट डटकम,काठमाडौं 

जेठ २९- उपप्रधान मन्त्री विजयकुमार गच्छदारको पार्टी फोरम लोकतान्त्रिकबाट राजीनामा दिएकाहरुले असार १३ गते नयाँ पार्टी खोल्ने भएका छन्। छोड्नेमध्येका नेता शरदसिंह भण्डारीले नयाँ पार्टी गठनकै लागि उक्त दिन राष्ट्रिय भेला बोलाएको जानकारी पनि दिए। यसैगरी आइतबारमात्र १० केन्द्रीय सदस्यले राजीनामा दिएका सोमबार फेरि थप११ जनाले राजीनामा दिएको भण्डारीले पत्रकार सम्मेलनमा जारी दिए। यसरी राजीनामा दिने सल्लाहकार, केन्द्रीय महिला सदस्य तथा केन्द्रीय सदस्यमा रामेश्वर साह, गङ्गाप्रसाद अकेला, जयप्रकाश यादव, महमद युसुफ, जीवदी चौधरी, शशीकान्त मिश्र, रुपा मल्ल, प्रभा चौधरी, रेखा यादव, केबी भण्डारी र रुवी मिश्र छन्। गच्छदार मधेसी राजनीतिको मूल्य र मान्यता छाडेर सत्तामा केन्द्रित भएकाले अर्को पार्टी खोल्नुपरेको पनि भण्डारीले बताए। उनले संविधान नै जारी नगरी संविधान सभा विघटन हुनुमा सरकार दोषी रहेको पनि उक्त अवसरमा बताए।