नयाँ माओवादीको पत्रकार सम्मेलन प्रज्ञा भवनमा

लिम्वूवान डट व्लगस्पोट डटकम,काठमाडौं 

हिजोमात्र एकीकृत माओवादीबाट औपचारिक रुपमा अलग भएको मोहन वैद्य नेतृत्वको नेपाल कम्युनिस्ट पार्टी माओवादीको नयाँ पार्टी घोषणा सहितको पत्रकार सम्मेलन नेपाल प्रज्ञा प्रतिष्ठानमा जारी छ । नेपाल प्रज्ञाप्रतिष्ठानको सभा सहलामा आयोजित पत्रकार सम्मेलनमा पार्टीका अध्यक्ष मोहन वैद्यले नयाँ पार्टी गठन भएको घोषणा गर्दै पत्रकारले सोधेका प्रश्नको जवाफ दिएका छन् । पत्रकार सम्मेलनमा वैद्यले माओवादीको दस वर्षे जनयुद्धको उपलब्धिलाई एकीकृत माओवादीका अध्यक्ष पुष्पकमल दाहाल र उपाध्यक्ष बाबुराम भट्टराईले ध्वत पारेको समेत आरोप लगाएका छन् । पत्रकार सम्मेलनमा पत्रकारले सोधेका प्रश्नको जवाफ दिने क्रम जारी छ । पत्रकारले तपाईहरु फेरी प्रचण्ड पक्षसँग मिल्न जाने अवस्था छ कि छैन भनेर गरेको प्रश्नमा वैद्यले भने ‘हामी प्रचण्डसँग जाने होइन अब प्रचण्ड हामीसँग आउँनु पर्छ ।’ पत्रकार सम्मेलनमा वैद्य पक्षले डा.बाबुराम भट्टराई नेतृत्वको सरकार भारतमुखी भएको समेत आरोप लगाएको छ । वैद्यले विपा सम्झौता गरेर भट्टराईले राष्ट्रघाती काम गरेकोमा समेत रोष प्रकट गरेका छन् । त्यस्तै अर्को एक प्रशंगमा वैद्यले प्रचण्डले भारतको एक प्रतिष्ठित पत्रिकामा अन्तर्वाता दिने क्रममा भारतसँग हाम्रो घनिष्ठ सम्बन्ध भएको बताएका छन् भन्दै प्रचण्ड र बाबुराम कांग्रेस एमाले जस्तै भएको आरोप समेत लगाएका छन् । पत्रकार सम्मेलनमा पत्रकारको प्रश्नको उत्तर दिने क्रममा वैद्यले अबको राजनीतिक निकास गोलमेच सम्मेलनमात्र भएको र नयाँ संविधानसभाको निर्वाचन कुनै हालतमा पनि सम्भव नहुने र नस्वीकार्ने समेत बताएका छन् । वैद्यले नयाँ पार्टी बनाउँनुको लक्ष्यका सम्बन्धमा भने ‘यो अवस्थामा गणतन्त्र, संघीयता, धर्मनिरपेक्षता लगायको रक्षा र जनताको अधिकार रक्षाका लगि आन्दोलनमा जाने निर्णय लिएका हौँ ।’ वैद्यले नयाँ पर्टीको लक्ष्य जनक्रान्तिमा जाने नै रहेको समेत प्रष्ट पारेका छन् ।