स्टायटसबाट पैसा कमाउने धुनमा फेसबुक

लिम्वूवान डट व्लगस्पोट डटकम,काठमाडौं 

असार १५ (नागरिक)- फेसबुक अब मनी माइन्डेड हुन थालेको छ। विश्वको सबभन्दा ठूलो सोसल नेटवर्किङ साइट भएको फाइदा उसले अब उठाउन खोजेको छ। फेसबुकमा धेरै लाइक गरिएका नेपाली पेजहरुमा समेत फेसबुकले विज्ञापनबाट पैसा उठाउने मेलो थालेको छ। ४ सयभन्दा माथि लाइक भएका पेजहरुमा आजभोलि फेसबुकले प्रोमोट योर पोस्ट भन्दै विज्ञापनको अफर गर्न थालेको हो। फेसबुकका अनुसार निश्चित रकम तिरेमा तपाइँको पेजमा रहेको स्टायटस लाइक गर्ने धेरै समक्ष पुग्नेछ। नत्र भने तपाइँको स्टायटस बढीमा १० देखि १५ प्रतिशतले मात्रै देख्ने छन्। विज्ञापन गरी गरी आफ्नो कम्पनीको फेसबुक पेजमा बढी लाइक जुटाएकाहरुलाई यो नयाँ व्यवस्थाले मर्कामा पार्ने देखिएको छ। यदि लाइक गरेका सबै माझ स्टायटस पुर्‍याउने हो भने अब फेसबुकलाई पैसा तिर्नुको विकल्प छैन। फेसबुकले पेजमा जस्तै व्यक्तिको स्टायटसमा पनि रकम लिन थाल्ने हो कि भन्ने शंका पनि यसबाट उब्जन थालिसकेको छ ।