News

Jun 14, 2012

एसएलसी फेलपछि ३ किशोरीद्वारा आत्महत्या

लिम्वूवान डट व्लगस्पोट डटकम,काठमाडौं 
३२ जेठ,एसएलसी परीक्षामा अनुत्तीर्ण भएपछि पाल्पा, नेपालगञ्ज र विराटनगरका तीन किशोरीहरूले आत्महत्या गरेका छन्। एसएलसी परीक्षामा असफल भएपछि पाल्पाका छहरा ४ गोलुङ्गसाकी १६ वर्षीया सरिता राना मगरले झुन्डिएर आत्महत्या गरेकी छन्। उनले घरमा कोही नभएको बेला आत्महत्या गरेको जिल्ला प्रहरी कार्यालय पाल्पाले जनाएको छ। उनले भैरब नवदीप उच्च माबि छहराबाट परीक्षा दिएकी थिइन्। नेपालगञ्जका १३ गोसाई गाउँकी १५ वर्षीया प्रतिक्षा शर्माले घरमा झुण्डिएर आत्महत्या गरेकी छिन्। उनले नारायण उच्च माविबाट एसएलसी परीक्षा दिएकी थिइन्। त्यसैगरी, विराटनगर २० रानीकी मधु देवानले पनि झुण्डिएर आत्महत्या गरेको प्रहरीले जनाएको छ। उनले श्रीराम उच्चमाविबाट एसएलसी परीक्षा दिएकी थिइन्।

No comments: