सिक्किममा पहिरो, सात नेपाली भाषीको मृत्यु

लिम्वूवान डट व्लगस्पोट डटकम,काठमाडौं 

काँकडभिट्टा, जेष्ठ २६ - भारतको सिक्किममा विहीवार राति पहिरो जाँदा एक घरका तीनसहित ७ जना नेपालीभाषिको मृत्यु भएको छ । पूर्वी सिक्किमको नाथाङ–माओङ क्षेत्रमा पहिरो जाँदा ७ नेपालीभाषीको मृत्यु भएको भारतीय संचारमाध्यमहरुले जनाएका छन् । अविरल वर्षापछि गएको पहिरोले त्यस क्षेत्रको ८ वटा घर वगाएको थियो । सिक्किम प्रहरीलाई उद्धृत गर्दै नेपाली दैनिक अखवार हिमालय दर्पणले जनाएअनुसार पहिरोमा परी एकै परिवारका दिलमान, मणिमाया र टीका राईसहित महेन्द्य्र राई, नेहाल राई, चन्द्रकुमारी राई र मोहन राईको मृत्यु भएको हो । यसअघि गतवर्ष पश्चिम सिक्किममा गएको पहिरोमा परी १३ जना नेपालीभाषिले ज्यान गुमाएका थिए । यसैवीच सिक्किमका मुख्यमन्त्री पवन चाम्लिङले शुक्रवार पहिरो ग्रस्त क्षेत्रको निरीक्षण गर्ने कार्यक्रम रहेको संचारमाध्यमहरुले जनाएका छन् ।