हङकङमा १०१ जनाको आदिवासी जनजाति संघर्ष सहयोग समिति गठन

लिम्वूवान डट व्लगस्पोट डटकम,काठमाडौं आम्भु जेठा, 

हङकङ १६ जुन, आदिवासी जनजाति संघर्ष सहयोग समिति हङकङमा गठन भएको छ । एकल जातिय पहिचान सहितको संघियता चाहानेहरुको भेलाद्घारा शनिवार साँझ समिति निर्माण भएको हो । आदिवासी जनजाति महासंघ हङकङको संयोजनमा अघिल्लो आइतवार ४१ जनाको संघर्ष सहयोग समिति वनेको थियो । समितिको शनिवार साझ वसेको वैठकद्घारा आदिवासी जनजाति महासंघ नेपालका पुर्व सचिव भक्त दुराको संयोजकमा गठन भएको संघर्ष सहयोग समितिमा एघार जनाको सचिवालय सहित १०१ जनाको कार्य समिति रहेका छ । आदिवासी जनजाति महासंघ हङकङको अध्यक्ष एम वी थापाले संचालन गरेको भेलामा आदिवासी जनजाति पत्रकार महासंघ हङकङको अध्यक्ष भुपेन्द्र चेम्जोङले सचिवालय समितिको नामावली प्रस्ताव गरेका थिए । प्रस्ताव विवाद रहित पारित भएको थियो । संघर्ष सहयोग समिति हङकङले नेपालमा एकल जातिय पहिचान सहितको संघियताको लागि हुने संघर्षहरुलाई सहयोग गर्ने वताएको छ । एघार जनाको सचिवालयले नेपाल र विश्वभरिका संघर्ष समितिहरुसंग समन्वय गर्दै कार्यगत एकता गर्ने जनाएको छ । एकल जातिय पहिचान सहितको संघियतावादिहरुहको भेलाद्घारा १०१ जनाको संघर्ष समिति वनेको भेलाका सहभागिहरुको एउटै भनाइ थियो । संघर्ष सहयोग समितिको भेलामा एकिकृत नेकपा माओवादि पार्टी हङकङका पार्टी सचिव जे. वी. ओख्रावु, लिम्बु लोकतान्त्रिक किरात संघ हङकङका संयोजक ओमराज संवाहाम्फे, लिम्बुवान राष्ट्रिय मोर्चाको केद्रिय अध्यक्ष दिल पालुङवा, किरात धर्म तथा सहित्य उत्थान संघका हङकङका अध्यक्ष मोहनमान नेम्वाङ, मञ्च सम्बन्ध संघीय लिम्बुवान राज्य परिषद हङकङका सचिव झहरमान लिङदेन, नेपाली जन संपर्क समिति ने.का. हङकङका महामन्त्रि वसन्त श्रीनेत लगायतका नेताहरुले आ–आफ्नो धारणा राखेका थिए । महामन्त्रि श्रीनेतले संघर्ष सहोग समिति स्वागत योग्य भएको वताउदै आफु समितिमा रहन नसक्ने वताए । आदिवासी जनजाति संघर्ष सहयोग समिति हङकङको सचिवलय समितिको नामावली 

 संयोजक भक्त दुरा 

 सचिव किशन राई 

सदस्य नरहाङ राई 

हेम थापा 

एम बी थापा 

भुपेन्द्र चेम्जोङ 

नरेश सुनुवार 

जेवि ओख्रावु 

ओमराज सम्बाहाम्फे 

सत्य घले 

वाकी एक जना अर्को वैठकमा छलफ गरि मनोनयन गर्ने वताइएको छ । सम्पुर्ण जातिय संस्थाहरु पदेन सदस्य रहने र त्यसको अभिभावकत्व अदिवासी जनजाति महासंघले गर्ने जनाएको छ ।