बाल अश्लील चित्रणसँग सम्बन्धित १ सय ९० पक्राउ

लिम्वूवान डट व्लगस्पोट डटकम,काठमाडौं 

न्युयोर्क, जेठ २७ (एजेन्सी)-अमेरिकी सुरक्षा अधिकारीले एक विशेष कारबाही अन्तर्गत उत्तरी अमेरिका, युरोप र एसियामा बालबालिकाको अश्लील सामग्री तयार गर्ने समूहसँग सम्बन्धित १ सय ९० जनालाई नियन्त्रणमा लिएको छ। त्यसक्रममा उनीहरूले १५ जनाभन्दा बढी पीडितको उद्धार गरेका छन्। सुरक्षा अधिकारीहरूले बालबालिकाको अश्लील सामग्री तयार गर्ने, तयसको विवरण र त्यसलाई उपलब्ध गराउने समूहलाई लक्ष्य बनाएर महिना दिन अघि अपरेसन ओरिएन नामको विशेष कारवाही चलाएका थिए। यस कारबाही अन्तर्गत अमेरिका, अर्जेन्टिना, लगायत युरोपका स्पेन, बेलायत र एसियाको फिलिपिन्सलाई लक्ष्य बनाइएको थियो। ती सबै स्थानमा थुपै व्यक्तिहरूलाई पक्राउ गरिएको छ। बाल अश्लील चित्रण अन्तर्गत यौन शोषणको शिकार भएका अधिकांश बालबालिकाहरूले अनलाइन च्याट (अनलाइन कुराकानी) सुरु गरेका थिए। त्यसपछि उनीहरूलाई यसमा फसाइएको थियो।