तीन यात्रीसहित चीन पहिलो पटक अन्तरिक्ष केन्द्रमा

लिम्वूवान डट व्लगस्पोट डटकम,काठमाडौं 

विश्व शक्तिमानका रुपमा उदाउँदै गरेको उत्तर छिमेकी राष्ट्र चीनका तीन जना अन्तरिक्ष यात्रीहरू आज पृथ्वीको अन्तरिक्ष केन्द्रमा पहिलो पटक पुगेका छन् । दुई पुरुष तथा एक महिलाको यो अन्तरिक्षयात्रीको समूह तियागोङ–१ अन्तरिक्ष केन्द्रमा प्रवेश गरेका हुन् । चीनको राज्यद्वारा सञ्चालित टेलिभिजन सञ्जालले प्रत्यक्ष प्रसारण गरेको सो यात्रा पूरासँगै चीन पहिलो अन्तरिक्ष केन्द्रमा पुग्न सफलता हासिल भएको छ । अन्तरिक्ष पुग्ने यात्रीहरू शेन्झाउ–९ नामक अन्तरिक्षयानमार्फत त्यहाँ पुगेका हुन् । उक्त यान शनिबार पृथ्वीबाट प्रक्षेपण भएको थियो ।