अफगानिस्तानमा गएको पहिरोमा ८० जना मरेको आशंका

लिम्वूवान डट व्लगस्पोट डटकम,काठमाडौं

काबुल - अफगानिस्तानको बगलान प्रान्तमा सोमबार दुई भूकम्पपछि आएको पहिरोमा परी ८० जनाको मृत्यु भएको आशंका गरिएको छ । कयौँ शव भग्नावशेषमा पुरिएको आशंका गरिएको छ । पहिरोमा परी घाइते भएका २० जनालाई अस्पतालमा लगिएको छ । पहाडको ठूलो भाग खसेको थियो, जसमा परी करिब २५ वटा घर ध्वस्त भए । उक्त पहाडी क्षेत्र काबुलबाट एक सय ६० किलोमिटर उत्तरमा रहेको छ । उद्धारकर्मीहरु भग्नावशेषमा पुरेकाहरुको खोजी गरिरहेका छन् । खोजी कार्यमा बुलडोजरको प्रयोग भइरहेको छ । अफगानिस्तान राजधानी काबुलसहित कयौँ सहरमा सोमबार ५.७ र ५.४ रेक्टर स्केलका दुइपटक भूकम्प गएका थिए ।