अफगानिस्तानमा २४ घण्टामा ३७ तालिवानी मारिए

लिम्वूवान डट व्लगस्पोट डटकम,काठमाडौं 

अफगानिस्तानमा गत २४ घण्टामा आतंकवादीविरुद्ध गरिएको आक्रमणमा ३७ तालिवानी आतङ्तकारी मारिएका छन् । नेटो सुरक्षा फौजसहितको अफगानिस्तानको संयुक्त सेनाले गरेको कारबाहीमा उनीहरुको मृत्यु भएको हो । सो कारबाहीका क्रममा संयुक्त सुरक्षा फौजले अफगानिस्तानका विभिन्न १२ वटा क्षेत्रमा अपरेसन चलाएको बताएको छ । कारबाहीका क्रममा अरुपनि कयौं हतियारधारी पक्राउ परेको अन्तर्राष्ट्रिय सञ्चारमाध्यमहरुले उल्लेख गरेका छन् । अफगान राष्ट्रिय प्रहरी, सैनिक र नेटोसँग आवद्ध सैनिकले नानर्गाहार, लाघमान, हेल्माण्ड, खोस्त र घान्जी प्रान्तमा सो कारबाही गरेको थियो । सो कारबाहीमा ३७ जनाभन्दा बढी सशस्त्र तालिवान आतङ्ककारीको मृत्यु हुनुको साथै अन्य करिब २० जना कारबाहीमा परेको पनि अफगानिस्तानको गृह मन्त्रालयले प्रकाशन गरेको विज्ञप्तिमा उल्लेख छ ।