जातीयताको कुरा उठेपछि ट्विटर छाडिन् शोभनाले

लिम्वूवान डट व्लगस्पोट डटकम,काठमाडौं 

सामाजिक सञ्जालमा जातीयतामा भेदभाव गरिएपछि ब्रिटिस नायिका शोभना गुलातीले ट्विटर प्रयोग नगर्ने घोषणा गरेकी छिन् । कोरी स्टारको इन्टरनेटमा अतिरञ्जित गरिएका तस्वीर कसैले राखिदिएर तुच्छ किसिमका कमेन्ट गर्न थालेपछि उनले ट्विटर त्यागेकी हुन् । 'तिमी ब्रिटिस होइनौ, बिदेशी हौ म जहिले तिमीलाई समस्या दिनका लागि ट्विटरमा हुनेछु' जस्ता प्रतिक्रिया आउन थालेपछि उनले ट्विटर छोडेको बताएकी छिन् । ट्विटरमा गरिएको प्रतिक्रियाले आफूलाई मर्माहत बनाएको भन्दै उनले यस्तो निर्णय लिएकी हुन् । भारतीय मूलकी ४५ वर्षीया नायिकाले अन्तर्राष्ट्रिय सञ्चारमाध्यमसित यस्तो प्रतिक्रियाले आफूलाई मनोवैज्ञानिक असर पारेको बताएकी छिन् ।