प्रधानमन्त्री भट्टराईले भारतीय प्रधानमन्त्री सिंहसँग भेट गर्दै

लिम्वूवान डट व्लगस्पोट डटकम,काठमाडौं 

दीगो विकास तथा वातावरण सम्मेलनमा भाग लिन ब्राजिलको राजधानी रियो दी जेनेरियो पुग्नुभएका प्रधानमन्त्री डाक्टर बाबुराम भट्टराईले भारतीय समकक्षी मनमोहन सिंहसँग आज भेट गर्दै हुनुहुन्छ। रियो ट्वान्टी नाम दिइएको सो सम्मेलनमा भाग लिन जानुभएका प्रधानमन्त्री भट्टराईले भारतीय समकक्षी सिंहसँग आज अपरान्ह भेट गर्न लाग्नुभएको हो। नेपालको राजनीतिमा प्रत्यक्ष अप्रत्यक्ष प्रभाव पार्ने भनिएको दक्षिणी छिमेकी देश भारतीय सिंहसँग प्रधानमन्त्री भट्टराईले गर्न लागेको भेटलाई अर्थपूर्णरुपमा लिइएको छ। प्रधानमन्त्री भट्टराईले अति कम विकसित देशहरुको बैठक र उच्च पर्वतीय देशहरुको बैठकको अध्यक्षता गर्ने कार्यक्रम छ।