बेलायतद्वारा नेपाललाई दुई अर्ब रुपैयाँ सहयोग

लिम्वूवान डट व्लगस्पोट डटकम,काठमाडौं 

नेपालको दैवीप्रकोप व्यवस्थापनको क्षमता अभिवृद्धिका लागि बेलायतले नेपाललाई दुई अर्ब रुपैयाँ सहयोग गर्ने घोषणा गरेको छ । नेपालको भूकम्पीय क्षति व्यवस्थापनका लागि रु दुई अर्ब अनुदान सहयोग दिने भएको छ । बेलायतका अन्तर्राष्ट्रिय विकाससम्बन्धी राज्यमन्त्री एलन डङ्कनले आफ्नो नेपाल भ्रमणको अन्तिम दिन आज नेपालको भूकम्पीय क्षति व्यवस्थापन सहयोग पुर्याउन भन्दै सो सहयोग गर्ने घोषणा गरिएको बेलायती दूतावासद्वारा जारी प्रेस विज्ञप्तिमा उल्लेख छ । नेपालको दैवीप्रकोप व्यवस्थापनको क्षमता अभिवृद्धि गरी चालीस हजार नेपालीलाई दैवी विपत्तिबाट जोगाउन सक्षम गराउने कार्यमा सो रकम सामुदायिक गतिविधिमार्फत प्रयोग गरिने बताइएको छ । आगामी चार वर्षका लागि डिएफआइडीद्वारा दिइने सो सहयोगबाट गत वर्ष पूर्वी नेपालमा गएको भूकम्पमा भत्किएका १६२ वटा विद्यालय भवन निर्माणका साथै अस्पतालहरूलाई भूकम्पीय जोखिमबाट सुरक्षित राख्ने सरकारको राष्ट्रिय योजनामा उपयोग गरिने जनाइएको छ ।