भारतको राष्ट्रपतिमा मुखर्जीलाई जिताउन सोनियाको अपिल

लिम्वूवान डट व्लगस्पोट डटकम,काठमाडौं 

भारतको भावी राष्ट्रपतिपदका उम्मेद्वार प्रणम मुखर्जीलाई जिताउँन भारतको सत्तारुढ गठबन्धनकी अध्यक्ष सोनिया गान्धीले अपील गरेकी छन् । आज गान्धीले मुखर्जीलाई भावी राष्ट्रपतिकारुपमा जिताउन भारतका संसद सदस्य र समर्थकलाई अपील गरेकी हुन । मुखर्जी वर्तमान सरकारका अर्थमन्त्री हुन । मुखर्जीको उम्मेद्वारीलाई युपिएलले समर्थन गरे पनि उनी एक्लो उम्मेद्वावार होइनन । सरकारको अर्को एक प्रमुख घटक तृणमूल कांग्रेसले पूर्व राष्ट्रपति एपीजे अब्दुल कलामको नाम राष्ट्रपति पदका लागि बाहिर ल्याएको छ । सत्तारुण कांग्रेसले वित्तीय मन्त्री मुखर्जीलाई राष्ट्रपतिय प्रत्यासीका रुपमा अगाडि सारेपछि भारतीय राजनीतिक एक पटक राम्ररी तातेको छ । कांग्रेसले मुखर्जीलाई समर्थन गर्ने निर्णयमा पश्चिम बंगालकी मुख्य मन्त्री ममता बनर्जीले पूर्वराष्ट्रपति अब्दुल कलामको नाम अघिसारेपछि झड्का लागेको छ । भारतका वित्तविज्ञ मुखर्जी र पूर्व राष्ट्रपति एवम् भारतकै अगुपिताका रुपमा चिनिएका कलाम कसले बाजी मार्ने हुन त्यो भने हेर्न बाँकी छ । कलामलाई भारतको प्रमुख राजनीतिक शक्ति कांग्रेसले समर्थन गर्ने सम्भावना कम देखिएकाले मुखर्जीको सम्भावना बलियो भएको विश्लेषण गरिएको छ । तर कलामले संगालेको अनुभव र उनले अणुक्षेत्रमा पुर्र्याएको योगदानको मूल्याङकन भए दोस्रो बाजी नमार्लान भनेर आकलन गर्न सक्ने अवस्था समेत देखिदैन ।